Stefán Jón Hafstein

Myndbönd frá Afríku

Ókeypis veftímarit

Fíll á förnum vegi

Svona býr fólk

Heimsókn til San fólks

Fréttaveitan

Konur og skraut

Ævi og störf

Fílarnir halda hópinn

Með flóðhestum

Andlit Afríku

Við vatnsbólið

Impala

Blár pungur

Í mat með ljónum

Ferðamannalandið Namibía

Hátíðisdagur

Segðu það með blómum

Þróunarsamvinnustofun

Forsíðumyndin

Blaðafregn

Grímur, styttur og fólk

Sveitakonur koma í bæinn

Stærstur og flottastur

Ferðamenn

Monthanarækt

Lýðræðisvæðing

Í febrúar 2005 birti ég ritgerðina: Breytum rétt - leið jafnaðarmanna til mós við 21. öldina. Hrunið á Íslandi 2008 breytir vissulega forsendum margs af því sem þarna er sagt. En ákall um breytingu þremur árum fyrir Hrun í átt til lýðræðisvæðingar en ekki markaðsvæðingar hefur staðist tímans tönn og meira en það. Ritgerðin er nú í endurskoðun, en er hér í heild í frumútgáfu.

Nýjar fréttir

24.4.2013

X ábyrgðarleysi

Í tilefni kosninga til Alþingis 2013 minni ég kjósendur á brostnar vonir - eftir kjördag. Sjá greinina: X ábyrgðarleysi.

20.3.2013

Viðtal um Afríkuárin í Mannlífi

,,Hvers vegna vill nokkur manneskja búa í svona landi?" - Rithöfundurinn Einar Kárason ræðir við Stefán Jón Hafstein/ Mannlíf bls. 27-32

31.5.2012

Kveðja í maí 2012

Reglubundnum útsendingum á fréttabréfum frá Afríku lýkur nú um sinn. Síðan vefurinn var helgaður Afríku einhvern tíman árið 2007 hafa heimsóknir verið 110.000 og tölublöð af útsendu fréttabréfi verið 25. Nú er mál að hlé verði gert á, ég þakka þeim sem voru í samabandi þennan skemmtilega tíma. Fimm ára advöl í Afríku er lokið. Ég veit svo sem ekki hvers vegna þessi fréttaveita úr Afríkulífinu varð til, hún bara spratt upp úr þörf...til að miðla og vera í sambandi við fólk sem hefur áhuga á svona margvíslegu efni sem stundum er erfitt að finna annars staðar. Ekki þakka mér. Mína var ánægjan.

Stefán Jón.

Nýjar greinar

Dabækur: maí 2012. ,,...eins dauði"

Dagbækur frá Afríku maí 2012 Eftir fimm ár í Afríku er nú komið að heimferð. Ljónahundurinn Freyja og heimilsvarðhundur lagði í þriggja sólarhringa ferð heim á Frón til að þiggja gestrisni einangrunaryfirvalda í heilan mánuð. Hinar fábrotnu reitur okkar hjóna seldar, gefnar eða pakkað til að fara í langferð líka og Kisi kominn í fóstur, örlög hænsnanna verða heldur daprari. Hver vegur að heiman er vegurinn heim... og nú liggur hann þangað. Það er því komið að leiðarlokum þessarar útgáfu fréttabréfa frá Afríku. En það er ekki hægt að segja að síðustu vikurnar hafi verið tíðindalitlar í ,,Hinu heita hjarta Afríku” eins og Malavar kalla landið sitt: Það voru örlagaríkir dagar fyrir páska í Malaví

Lesa meira

Terækt

Morgunsólin lýsir vaxtarsprotana á terunnum í suðurhluta Malaví og döggin drýpur af. Hér er ein helsta útflutningsvara landsins. Hver runni gefur af sér svona lauf í hundrað ár, að þeim loknum þarf að umplanta. Teekrur Malaví eru unaðsreitur, yndislega fagrar og mannlíf þar í kring litríkt. Hér er myndasaga frá telaufi að tehlaðborði á enska vísu.

Alþýðulistamaður

Hann er búinn að koma sér vel fyrir við þjóðveginn á fjölförnu horni með risastórt trélistagallerí. Myndirnar eru í góðri líkamsstærð og veglegar á alla lund. Hann segir bjartsýnn á framtíðina enda kominn nýr forseti, ný stjórnarskrá og nóg eldsneyti í landinu. Smá skekkja með stjórnarskrána en við eyðileggjum ekki viðskiptavildina með athugasemdum.

James er hagur maður á tré.

Lesa meira

Uxakerra

Uxakerra á hraðbrautinni. Nýja Efnahagsbandalagshraðbrautin gerir ráð fyrir að menn mætist af varúð á blindhæðum, en varla datt þeim í Brussel í hug að uxakerra kæmi þvert á veg, í hægðum sínum. Ekkert mál, hér eiga allir rétt og ekkert síður uxar en blikkbeljur í landi þar sem bensínstöðvar eru einkum tómar og ekkert að hafa. Hjólreiðamenn halda sig á vegaröxl. Uxar, asnar, hænur, geitur, fólk, hjól, vagnar, konur,karlar, börn...allt í einu kraðaki.

Innsetning

Melónur og grasker, sett upp af listfengi við þjóðveginn til að örva sölu. Það gerist ekki betra í listaháskólum ef farið er út í form og liti. Hér má glöggt sjá að enginn ávöxtur er þar sem hann er fyrir tilviljun.

Fílskjöt í morgunverð

,,Má bjóða þér fílskjöt í morgunverð?" spurði daman í þjóðvegarsjooppunni norðan við Bulewayo í Zimbabwe þegar gest bar að garði. Hún nagaði langa þurra ræmu og satt að segja var hún álíka spennandi á bragðið og harðfiskur, sem sagt góð, þegar maður er kominn upp á lagið. ,,Svo þið borðið fíla hér?" spurði ég. ,,Auðvitað". Auðvitað.

Svokallað trikkskot

Myndavélin gerir margar kúnstir og fangar samspil ljóss og skugga við pálmalundinn.

Horft á aðkomumenn

Konungur dýranna virðir fyrir sér hóp aðkomumanna. Fimm metrar eru í bílinn sem er þéttsetinn ferðamönnum sem dást að syfjulegum svipnum. Hann er vel falinn í grasinu, en kattavinir munu þekkja eyrnablakið sem gefur til kynna að hann fylgist líka með þeim sem læðast að aftan frá.

Táknmál fyrir alla í Zimbabwe

Í Zimbabwe hafa þau gefið út einfalda táknmálsorðabók fyrir almenning svo hægt sé að læra undirstöðuatriðin í því að tala við heyrnarlausa. Einföld bók, ódýr og kennir undirstöðuatriðin. Í Zimbabwe, Botswana og Namibíu eru sjónvarpsfréttir táknaðar á táknmáli jafnóðum og þær eru fluttar heyrandi. Það er ekki hægt á Íslandi.

Umferðarskilti í Zimbabawe, handverk

Þau hafa sterkan persónulegan svip, ekki þessi stöðluðu skilti sem eru eins um allan heim, heldur dregin skýrum dráttum hagleiksfólks sem túlkar atriði úr umferðarmenningunni með penslum sínum. Ekkert skilti alveg eins og það næsta. Hér er það gangbraut, en skoðið hér hvernig varað er við ,,máluðum hundum".

Einkaritarafuglinn

Hvers vegna hann heitir Einkaritarafuglinn (Secretary bird) er algjörlega vonlaust að ráða af útlitinu. En hann er háfættur og með ansi langt stél og vappar virðulega við andapollinn.

Kristilega kærleiksblómin spretta...

kringum hitt og þetta...eins og til dæmis antilópurnar í Chobe garðinum í Botswana. Þarna má glöggt sjá hvernig þær felast fyrir rándýrum og rugla í ríminu með því að standa þétt saman. Hvað er hvað í þessu kraðaki? er spurning sem ungt svangt ljón hlýtur að þurfa að spá vandlega í áður en lagt er til atlögu.

Umgengni við fíla

Reiður fíll er hættulegur. Skapstyggðina sýnir hann með því að blaka eyrum, sveifla rana og hrista sig ógurlega. Þá er best að víkja úr vegi og halda sig í hæfilegri fjarlægð. Svona hegðun er kölluð ,,þykjustuárás" því sjaldnast verður úr raunveruleg atlaga. Enda nægir þetta hvaða dýri sem er til að hafa sig á brott, líka ökumanni á safaríjeppa. En setji hann undir sig hausinn, leggi eyrun aftur og hlaupi í átt að manni er fátt til bjargar - nema maður komist fljótt í fjórða gír. Gangandi maður á enga möguleika þegar 5 tonn fara af stað í alvöru árás.

Viltu gerast áskrifandi?

Veftímaritið kemur til áskrifenda gjaldfrjálst sex sinnum á ári. Skráning hér.

Hér má skoða nokkur fyrri tölublöð:

Júní-júlí 2008
Maí 2008
Mars 2008
Febrúar 2008
Janúar 2008

Lifandi myndir

Stefán Jón Hafstein - stefanjon@islandia.is