Stefán Jón Hafstein

Monthanarækt

Ferðamenn

Nýtt veftímarit: Afríka!

Andlit Afríku

Svona býr fólk

Fíll á förnum vegi

Heimsókn til San fólks

Fréttaveitan

Ævi og störf

Konur og skraut

Fílarnir halda hópinn

Með flóðhestum

Impala

Við vatnsbólið

Blár pungur

Í mat með ljónum

Ferðamannalandið Namibía

Hátíðisdagur

Segðu það með blómum

Þróunarsamvinnustofun

Forsíðumyndin

Blaðafregn

Grímur, styttur og fólk

Sveitakonur koma í bæinn

Stærstur og flottastur

Fréttasíða

Allar fréttir 2010 2009 2008 2007

1.9.2010

Þróunarmál í Malaví og spilling á Íslandi

Ævar Kjartansson brá hljóðnemanum að vitum mér meðan ég var heima í sumarleyfi og tók viðtal um Malaví og fleira fyrir Rás 1. Hér er það. (40 mín.)

15.8.2010

Dagbækur: Júlí-ágúst 2010

Dagbækur frá Afríku: Vetrarmánuðina júní-ágúst 2010

Góðar fréttir frá Afríku. 700 fjallagórillur í Rúanda hafa það gott og fjölgar dag frá degi (eða því sem næst). Útrýmingarhætta virðist liðin hjá því friðun skapar þeim næðisstundir til að fjölga sér og éta banana. Samtímis skemmta þær fámennum ferðamannahópum sem greiða hátt gjald fyrir að koma í heimsókn klukkutíma á dag. Gjaldið rennur til apanna sjálfra (gegnum verndarsjóð) og nú fá fyrrverandi veiðiþjófar og górillumorðingjar starf við hæfi: Passa upp á fyrrum fórnarlömb. Górillurnar flakka um regnskóga Úganda, Kongó og Rúanda en virðast nú hafa fundið viðunandi stað fjarri stríðsmönnum heimsins.

Og fleiri góðar fréttir.

Lesa meira

23.6.2010

Ný þáttaröð

Á myndbandasíðu stefanjon.is er nú komin fjögurra þátta röð um ferð um Botswana. Skoðuð eru náttúruundrin Okavango og Moremi friðlandið, dýrin, gróðurinn og náttúran. Vinsamlega sjáið hér að neðan. Til að lesa um þættina hvern fyrir sig, farið á fréttasíðu eða beint á myndbandasíðu.

1.hluti: Kalahari eyðimörkin, til móts við Botswana

Þetta er fyrsti hluti þáttaraðar um ferð í stórkostlegum friðlöndum Botswana þar sem villidýrin ráða ríkjum. Í þessum hluta förum við inn til Botswana og könnum villimörkina, festum okkur í pyttum og skoðum villihunda auk annars. Hundarnir eru stórmerk villidýr sem hafa staðist samkeppni við önnur og stærri rándýr með samheldni og stuðningi. Myndböndin eru á myndarás á youtube, samtals fjögur, og hægt að horfa á í skömmtum eftir hentugleikum hvers og eins. Hver þáttur er innan við 10 mínútur, nema sjá fjórði sem er 5 mín.

2.hluti: Moremi friðlandið, fullt af villidýrum

Dýrin mín stór og smá! 2.hluti í þáttaröð um villidýramörkina í Botswana. Nú er það Moremi friðlandið, blettatígrar, alls konar dýr í stórum hjörðum og svo...sjálfur hlébarðinn sem röltir eins og sveitahundur með okkur um óðal sitt! Til að finna beinið sem hann á. Spennandi með afbrigðum.

3.hluti: Okavango óshólmarnir

3.hluti myndaraðar frá Botswana. Úr lofti: Okavango óshólmarnir í Kalahari eyðimörkinni. Við fljúgum yfir óshólmana í eyðimörkinni þar sem Okavango fljótið streymir inn og seitlar um eyðimörkina, en nær aldrei til sjávar. Fljótið gufar upp! Við skoðum farvegi, dýralíf og veiðimenn sem nýta sér gjafir náttúrunnar í gósentíð flóðatímans.

4. hluti myndar:Okavango, lok

Lokaþáttur myndaraðar þar sem við hittum vörtusvín. Grösin standa á haus í vatninu: Í síðasta hluta ferðamyndar frá óshólmasvæðinu í eyðimörkinni kynnum við til sögunnar vörtusvín og unga kvígu af fílakyni sem bíður eftir karldýrum. Þetta er snúið mál: Kýr og kvígur halda saman í hjörðinni undir stjórn ættmóður. Karldýr verða að halda sig í hæfilegri fjarlægð. Þegar kýr verður frjó og þarf á karldýri að halda dregur hún sig út úr hjörðinni, en hinar halda af stað til að finna hæfiilegan karl. Skilboð milli fíla ganga með lágtíðnihljóðum sem berast langar vegalengdir og talið er að boðin fari upp um fæturna, ekki fær mannseyrað greint þau. Í myndinni sjáum við unga kvígu bíða eftir skilaboðum frá hinum kvendýrunum, sem væntanlega munu leiða til stefnumóts.

Á myndbandasíðu stefanjon.is má skoða þættina alla.

10.6.2010

Loksins HM!

Drengirnir í Malaví elta tuðruna fram í síðdegisrökkrið og munu örugglega fylgjast með HM í beinni frá Suður Afríku. Hvar þeir komast í sjónvarp er þó annað mál. Aðeins 6 % íbúa landsins hafa rafmagn og af þeim aðeins brot aðgang að sjónvarpi. En barir, samkomusalir og velmegandi munu opna hús sín fyrir fótboltafíklum. Því miður er HM tæpast í Afríkuanda þótt haldin sé á meginlandinu í fyrsta sinn. Aðeins 11 þúsund miðar eru seldir í álfunni utan Suður Afríku - í álfu sem telur milljarð manna. Miðar eru seldir á netinu fyrst og fremst og þá með greiðslukortum, hvoru tveggja er fágætt meðal almennings í Afríku. Net? Greiðslukort? Loks gafst FIFA upp þegar ljóst var að í stað 500 þúsun gesta frá Evrópu yrðu aðeins 250.000, og setti óselda miða á venjulega lúgusölu í Suður Afríku. Þar var setið um miðana sem þó kosta langt umfram það sem réttur og sléttur heimamaður höndlar með. Og búið að hreinsa svo til í kringum vellina að götusalar sem ætluðu að græða vel komast ekki að fyrir þeim sem hafa keypt sér einkarétt á gróðanum. Meira að segja opnunarhátíðin er ,,alþjóðleg" með innfluttum skemmtikröfum í bland, maður hélt að Afríka ætti nóg handa heiminum að sýna. En boltinn rúllar og þá er bara að hafa gaman.

29.5.2010

Borgin kvödd

Borgarfulltrúi kveður að kvöldi kjördags meðan beðið er fyrstu talna.

Frá og með 30. maí 2010 er í ég ekki lengur borgarfulltrúi í Reykjavík. Ég var kosinn með Reykjavíkurlista árið 2002 og aftur fyrir Samfylkingu 2007 og sagði ekki af mér þótt ég hafi verið í leyfi frá borgarstjórn síðustu þrjú ár.

Mér fannst gaman að vera borgarfulltrúi. Fyrir athafnasaman mann er nóg að gera í borgarstjórn og hafi maður mikið undir eins og ég er gaman að lifa. Félagar mínir treystu mér fyrir formennsku í menntaráði og menningarmálanefnd, og síðan stýrði ég borgarráði um hríð og var jafnvel forseti borgarstjórnar í eitt ár. Það síðasta var leiðinlegt.

Borgin krefst allrar athygli...

Lesa meira

26.5.2010

Vegna prófkjörs 2006

Vegna þess að kallað hefur verið eftir upplýsingum um styrki og kostnað við prófkjör 2006 hef ég sent Ríkisendurskoðun eftirfarandi erindi:

Lesa meira

Eldri fréttir

2.5.2010

Náttúruundrið Okavango

30.4.2010

Dagbækur: Apríl-Maí 2010

18.4.2010

Brúðkaup aldarinnar

22.3.2010

Hvernig er fátækt land?

6.2.2010

Þjóðgarður undir yfirborði

6.2.2010

Hvað segir fáni um þjóð?

6.2.2010

Borgar sig að gera við þetta?

Til baka

Fiskihjallar

Fiskihjallar. Smáfiski er dreift á bastmottur sem lyft er frá jörðu með stauravirki. Þetta eru ,,skreiðarhjallar" Malavímanna við vatnið. Fiskurinn herðist og er mulinn í stöppu með lauk og olíu til að snæða með maís.

Konurnar snúa rétt eins og íslensku saltfiskkonurnar breiddu út til að sólþurrka.

Svipmikill afli. En ekki stór. Á stærð við loðnu.

Fiskimenn á pramma

Á stærsta uppistöðulóni Afríku, Cahorra Bassa í Mósambik eru þessir prammar og stunda uppsjávarfiskveiðar um nætur. Ljós eru notuð til að lokka smáfiskinn upp í torfum og þær látnar synda yfir nótina sem hangir í krana framaná. Hífoppið nægir svo til að fanga fiskinn. Þessar veiðar skapa miklar tekjur fyrir tugþúsindir tonna og varð af óvæntur ávinningur til hliðar við virkjunina sem knúin er vatni úr lóninu.

Stóra jólabarn

Það er myndarbolti sem þenur vogina á spítalanum sem Íslendingar byggðu við Apaflóa. Hjúkkurnar standa ánægðar hjá enda ekki alltaf sem svona stóra krakka rekur á fjöru ungbarnaeftirlitsins. En það hafa verið góðir tímar og mamma með brjóstið til reiðu eins og sjá má. Sjá myndband um verkefni Íslendinga í Malaví hér.

Hin bjarta hönd

Krakkarnir baða sig í Malavívatni og veifa glöð í bragði til bátsverja sem eiga leið hjá.

Góð þjónusta

Í strákofanum er rakarastofa og maður fær farsímann hlaðinn á meðan klippt er hjá ,,Glæsirakaranum" (Glory barber). Nú, maður getur líka fengið hleðslu en þarf ekki að klippa sig jafnframt.

Alnæmi og páfi

Afríkuför páfa (mars 2009) varð ekki til að auka hróður hans í sambandi við baráttuna gegn Alnæmi. Mikil gagnrýni hefur dunið á páfa fyrir að leggja ekki baráttunni lið, heldur skaða hana, með því að tala gegn notkun smokka. En smokkar eru eins og aðrar getnaðarvarnir bannfærðar af kaþólsku kirkjunni svo páfi er sjálfum sér samkvæmur. Það hjálpar bara ekki í Alnæmisbaráttunni. Meira hér.

Vitjun

Sjálfboðaliðar Rauða krossins í suðurhluta Malaví eru á leið í vitjun. Þau heimsækja alæmissmitaða í þorpnu, athuga hvernig þeim líður og hvernig lyfjastaðan er. Oft eru þessar heimsóknir þær einu sem fólk fær. Sjálfboðaliðarnir vinna kauplaust, en fá smávægilegan matarpakka í viðurkenningarskyni einu sinni í mánuði.

Sitja saman

Alnæmissjúkir sitja saman - og standa saman. Þetta er stuðningshópur smitaðra í einu litlu þorpi í sveitinni í Malaví. Þau sem bera HIV veiruna koma saman, ræða málin, veita stuðning og segja að sér líði betur fyrir vikið. Rauði kross Malaví kemur þessum hópum á laggirnar og veitir þeim styrk og aðstoð til að bæta lífið. Þau ræða næringarmál, bestu leiðir til að styrkja ónæmiskerfið, og rækta grænmeti í garði skammt undan - til að hafa hollan og góðan mat.

Fiskverkun hafin!

Smiðirnir við fiskverkunarstöðina sem Þróunarsamvinnustofnun byggir nú með heimamönnum vita hvað dugar í lífsbaráttunni. Meðan hamarshöggin dynja nota þeir þurrkhjallana til að breiða út smáfisk á vírnet og þurrka í sólinni. Þetta er ,,skreið" heimamanna, fiskurinn á stærð við löngutöng en dugar vel í eggjahvíturíkt viðbit með maís. Hér verður reykt og þurrkað og verkað á ýmsa lund til að koma fiski á markað. Nú vantar bara togara! segja þeir og eru ekki ólíkir héraðshöfðingjum í sjávarþorpum heima. Strax er byrjað að vinna í stjórnvöldum til að fá togskip til að leggja upp.

Hægt um horn

Hún fer hægt um horn og varar sig á myndavél framhjágöngumanns, en ekki alveg nógu vel. Ein sekúnda í eilífðinni er fest á spjöld sögunnar í sveitaþorpinu.

Veftímarit - áskrift

Veftímaritið kemur til áskrifenda gjaldfrjálst. Skráning hér.

Hér má skoða fyrri tölublöð:

Júní-júlí 2008
Maí 2008
Mars 2008
Febrúar 2008
Janúar 2008

Uppskera

Uppskera. San kona í austurhluta Namibíu tekur þátt í ,,síldarævintýri” þessa landshluta. Nokkra daga á ári er hægt að fara út á mörkina og safna þessum rótum sem keyptar eru dýru verði til heilsubúða í Þýskalandi. Úr lauknum eru unnin efni sem eiga að gera mannfólki gott. San fólk hefur ekki úr miklu að spila og peningar sjaldséðir, svo þetta er kærkomin búbót. En ekki má taka of mikið og reynt er að hafa stjórn á því sem numið er á brott með því að beita ,,sóknarstýringu”; uppskeruhátíðin stendur því fáa daga á ári, utan þeirra er bannað að grafa laukinn upp.

Á útkíkki

Á billanum

Þessi unga snót hanleikur kjuðann af fimi á Soweto markaðnum í Katatura í Windhoek.

Asnar á bensínstöð

Asnakerra á bensínstöð. Allir þurfa að fylla.

Ökuskóli norður Namibíu

Ökuskóli á hjólum. Auðvitað!

Stolt móðir

Bea á markaðnum var ekki bara með nýja hárgreiðslu heldur var strákurinn þægur allt í einu. Svona eiga góðir dagar að vera!

Við notum smokka

Í landi þar sem 20% fullorðinna eru með HIV smit þarf sannarlega að minna á varnir. Sjá HIV stöðuna í Namibíu samkvæmt UNAIDS. Í Afríku sunnan Sahara búa 10% mannkyns en 60% smitaðra.

Minjar um gamla tíma

Þjóðverjar ,,áttu" Namibíu og reistu þetta hús í þjóðleið, á því stendur ártalið 1908. Um það bil sem Íslendingar fengu heimastjórn fengu Namibíumenn þýskan arkitektúr í bæjum og úti á mörkinni. Hér gistu lestir á leið frá ströndinni inn í land.

Blair, við og ,,þau"

Hvernig réttlætir Tony Blair stríðin í Afgahanistan og Írak? Í athygliverðri grein í Foreign Affairs kemur í ljós að leiðin sem hann kaus með Bush er einmitt ekki leiðin sem hann telur vænlegasta til framtíðar.
Hér er rýni á grein Blairs.

Stefán Jón Hafstein - stefanjon@islandia.is